Muhabbat yaprog’in uzganing rostmi?
Chechak ochilsin deb kutganing rostmi?
Sevgi gulshanida bir lola bo’lib,
Bulbulning mehrini tutganing rostmi?
Tog’lardek matonat tilayman senga,
Daryodek jo’shqin bo’l sevgi bobida.
Va’dangga vafoli bo’lsang sen uchun
Sahifa ochilur baxt kitobida.
Sevgi fazosinda uchganlar ko’pdir,
Xayolda yulduzni quchganlar ko’pdir,
Ha, quchganlar ko’pdir.
Qayg’udan yiroq yur mening oqqushim,
Yuzingga yuqtirma qaroni aslo.
Libosing misoli qalbing oq bo’lsin,
Sevging chin, pok bo’lsin, ey aqli raso.
Tog’lardek matonat tilayman senga,
Daryodek jo’shqin bo’l sevgi bobida.
Va’dangga vafoli bo’lsang sen uchun
Sahifa ochilur baxt kitobida.
