Баяу бір жел соқса бай даладан,
Шарпылып өне бойға.
Бал сезім бағыштап аймалаған,
Бағым-ау,мен деп ойла.
Даламның еркесі,елік мүсін,
Іздеген жанашыр жан.
Толқыған көңілімді келіп түсін,
Толқындай аласұрған.
Киелі махаббат тал бесігі,
Тербетсін бізді жаным.
Жүректе жатталып мәңгі есімің,
Арналар әсем әнім.
Аймала жаныңмен,жанарыңмен,
Арайлы шапағатым.
Өзіңнен бір бақыт табармын мен,
Ау,менің махаббатым!
Песни по теме:
