Үні оның жанға дауа, сыңғырлайтын бұлақтай,
Жаныма оның жаны сезілетін жұмақтай,
Бақытты кезім еді.
Кетсек те бірімізден біріміз тым жырақтай,
Жүрегім басқа адамды жүр жанына жолатпай,
Үмітім үзілмеді.
Ол сондай сұлу еді,
Шаштары сүмбіл еді.
Бақшама ұшып келіп,
Сайраған бұлбұл еді.
Ал қазір жүр ол қайда?
Мекенін кім біледі?
Қырдағы бір гүл еді,
Мың жайнап, мың гүлдеді.
Бәлкім ол тыс ғаламнан,
Болуы мүмкін еді.
Ал қазір жүр ол қайда?
Мекенін кім біледі?
Песни по теме:
